بسم الله وعلى بركة الله نفتتح المدونة.. ببطل ماي زمزم …
نكسره على خشم هالمدونة :)
السلام عليكم جميعا …
الصراحة هالمدونة ما فكرت فيها ولا عندي منها طاري!!!
بس أشوف هالعالم هابين فيها هالأيام .. قلت مع الخيل يا جهراوي ..
خصوصا مع انتشار السوالف الاخيرة مثل الفيس بوك والتويتر والخرابيط الثانية << خرابيط لاني اعتقد انها من ادوات إضاعة الوقت
قلت لح لح نفسك و شفلك صفحة تفض فض فيها وتسولف ولو على نفسك ..
يمكن استفيد او أ فيد احد يدش يقراء علومي واخباري الخطيرة أو علومي السعيدة ..
و عسى تكون بميزان حسناتي .. لأني ناوي انفع بهالصفحة الناس أولا وأخيرا ..
وكما جاء بصحيح مسلم عن رسول الله صلى الله عليه وسلم ” والله في عون العبد ما كان العبد في عون أخيه”
وبيني وبينك ترى بطلت مدونة على مكتوب عام 2008 وكتبت تقريبا نفس هالمقدمة
بس لليوم ما نزلت شيء فيها لاني نسيتها … بتشوفها – اضغط هنا –
بس هالمرة غير إن شاء الله ..
وخصوصا انه الظروف شوي تغيرت وصار عندي شوية فراغ قلت نملئه بما نامل انه مفيد
ومثل ما يقولون اخواننا المصاروه – اليد البطاله ……….. الخ -
فناوي نية عليكم في هالمدونة .. والله يستر على آولا ومن ثم عليكم
وهم ما ابى اطول عليكم
بس هذا اول موضوع ومدري متى انزل الثاني !!
وعسى ما يصيب هالمدونه ما اصاب مدونتي السابقة .. وتكون نفس المقدمة بمدونة لا حقة ربما 2012
اوووه 2012 هالسنة طالع عليها سوالف واشاعات انه بينتهي العالم ومدرى شنو من هالخرابيط ..
بس ما يمنع نتطرق لها بموضوع مستقبلي ان شاء الله وقدر …
المهم ان وصلنا هالسنة بنفكر نفتح مدونة ثالثة آو لا ..
شكلي قرقه وسوالفي واجد 
اذا هذي مقدمة وافتتاح شنو بيكون المضمون هني !!
الله يعينكم على ماجاكم >> طبعا المقصود انا )))
جهراوي ليمتد
وع العموم ياليت تنضم لنا بهالجروب هدية هم توني مسويه.. شكلى داش بعنف وعسى ما نعور أحد ..
- حياك اضغط هنا بمجموعتنا جهراوي -
